Giovanni Pico della Mirandola Giovanni Pico della Mirandola (Mirandola,24 de febrero de 1463 - Florencia 17 de noviembre de 1494) estió un humanista y filosofo italiano. Naixió en Mirandola, y yera o zaguero fillo de Gian Francesco I y de Giulia Boiardo. Estudeó en Bolonya (1477-1478), en Ferrara (1479) y en Padua (1480-1482), an dentró en contacto con l'averroísmo. Filosofo y humanista, estió uno d'os estudeosos d'a conoixencia y l'autodeterminismo de l'hombre en a linia humanista. Ye remerato, entre atras cosas por a gran memoria que teneba. O suyo pensamiento prencipal s'alazetaba en a posibilidat de d'aunir totas as corrients filosoficas y teolochicas, metendo a l'hombre en o centro de l'universo, seguntes l'anviesta d'o Renaiximiento. Fue acusato por a Enquesición, y fue salvato d'a foguera por Lorenzo de Medicis que fabló y pagó en favor d'ell. En 1484 marchó a vivir ta Florencia, an se fació amigo de Lorenzo o Magnifico, Poliziano y Marsilio Fizino, con qui freqüentó l'Academia neoplatónica. En 1486 editó en Roma as "Conclusions filosoficas, cabalisticas y teolochicas" Morió en Florencia de maniera nunca esclarida en 1494.
